Tuesday, August 26, 2008

! زبيدية خال


.


تحت ظروف الحصار و استقالة سمو سعادة خدامتنا

و دلعها علينا و على مكتبها


.


حصلت اليوم رسميا ً بـ نظر الوالد على الجنسية الكويتية

مع أول زبيديّة أقليها

:PpP~


.
شرااآاايكم ؟

^_^



.

.هذي يوم كانت أبيّضانية

وعلى قولة الوالد عالغدا

" أول مرة يمر علي زبيدي خال "

.

حياكم الله .. لكم مني قريش زبيدي قبل رمضان

تم التعديل من غبقة لقريش لووول

.

Sunday, August 24, 2008

كفو و الله

.
.
بشرى سارّه لـ الجنوس
.
.
و خصوصاً بعد مطالبتهم - المضحكة - لـ مجلس الأمة و النواب بـ إلغاء تغليظ العقوبة عليهم من قبل رجال الأمن الخشنين , الأمر الذي سبب لهم الحد من حريتهم في ارتداء الملابس المعبرة عن نعومتهم .. و حركاتهم و حتى
انتشارهم في الشوارع
.
.
لقيت لكم موقع إلكتروني يعترف فيكم
...!
.
و يقولكم , أول الغيث قطرة
.
.

.
.

الصراحة .. أحلى ما في الموضوع
الـ " مو متأكد " هذي
مادري شلون صايرة
:pPp~
.
.
بعدين على سالفة تغليظ العقوبة ؟
ليكون مصدقينها ؟
.
.
جم مرة ندق عالشرطة عشان يشيلون هالخمة من مصافط المدرسة إلي يمنا و يقول إن شاء الله و ما ايي :
ترا مناظر غلط و الله .. فشلونا وين قاعدين ؟
لا تقرّع فاد فيهم .. و لا سجن حتى فاد فيهم
و الله يخلي الواسطة ,
.
.
إي صج .. حق الجنوس بس
إلي يبي الموقع ترا حاضرين :)
.
.
~~~

Tuesday, August 19, 2008

أشياء ترفع الضغط

.
.
.

يرفع الضغط
لما يجيك واحد متديّن يذم بـ كل تفاصيل نور و سنوات الضياع
طيب إنت شدراااك ؟

.
.
.
يرفع الضغط
لمّا تشوف موضوع منقول يحذر المسلمين من متابعة توم و جيري لأنه يفسد عقول الصغار
و السبب إن توم يموت و يتحاسب .. و يرد للحياة عشان يتسامح من جيري و يكفّر ذنوبه

كاهو توم يصعد للسما :P

ألحين لازم يتعاقب :P
يطلب السماح و الغفران
شفتوا شلون ؟
آنا قل لكم عقول يهالكم راح تخترب , بس انتوا ما صدقتوني
من اليوم و رايح محد يخلي عياله يطالعون توم و جيري
و برافو عليكم يا مسلمين على هالـ تفكير الحلو .. الدنيا ما عندها غيركم عشان تلف حوالينا
.
.
.
يرفع الضغط
لمّا تقول أمريكا .. بنحطكم عالبلاك ليست عشان الهنود
و الحكومة تلزم على كل واحد يروح لبرج التحرير عشان تمشي معاملتك
و كل ما توصل من عقب الزحمة و الحر يقولون لك
" تعال باجر , خلصت الأرقام !!! "
.
.
.
يرفع الضغط
لمّا يخالفك شرطي تابع حق مبارك الكبير و انت تمشي بالعاصمة
و السبب .. إنك ما طقيت إشارة لأنك دشيت شارع فرعي بـ سايدك
و إلا أقولكم .. كويتنا واحد , ما عندنا شي اسمه محافظات
.
.
.
عقب ما خلصنا من رفع الضغط .. صار دور شي ينزل الضغط
:)
المبدع / ابراهيم العدواني
مصوّر كويتي محترف يتمتع بـ حسه المرهف و عدسته الأنيقة جدا
يفتتح موقعه الخاص
.
.
.
و لا أحلى من الموسيقى حق الأعصاب و الضغط !
موقع نادر اكتشفته عن طريق أحد الصديقات ..
حمّل لين تتعب .. سمفونيات
.
.
.
خلصنا اليوم :)
.
.
.

Saturday, August 16, 2008

ورشة عمل جادة !

.
.
.
{ .. كلماتك قد تغيّر حياتك ..! }
التأثير الفعّال لـ الكتابة التعبيرية




ورشة تم استحداثها في أحد المنتديات من قبلي
و ستستمر بـ إذن الله .. لـ أكثر من شهر ,


موجهة إلى ..


إلى هؤلاء الذين يُقدّرون معنى الكلمة, و يدركون تأثيرها حينما يتفوهون بها أو يكتبونها
و إلى هؤلاء الذين يخفون أسرارهم في الأعماق, و يعانون في حياتهم و يرغبون في فهم ذواتهم و في تطوير شخصياتهم
.
ترسم لكم هذه االورشة المُلخصة من كتاب " كلماتك قد تغيّر حياتك " خطة علمية مدروسة, و رؤية عميق قائمة على الدراسة العلمية الأدبية و النفسية و على التجربة البحثية
.
سـ تنطلقون من خلالها من نفق مُظلم إلى ساحة مضيئة تترجمون فيها مشاعركم المكبوتة, و أسراركم المغلقة إلى لغة خاصة لا يعرفها سواكم . لـ تكن هذه هي إنطلاقتنا إلى عالم يُقدّس مهنة القلم في عالمنا الشخصي , و الإلكتروني ..!


هذه ليست دعاية لـ التسجيل بالمنتدى ,
إنما لـ استفادة العامة .. و تطوير الذات حتى لو كان بـ صمت
و خصوصا ً كون هذا الجهد شخصي و غير منقول ,


الورشة .. الجزء الأول




تمنياتي لكم بالـ استفادة ,



~~~