أي شي

أي شي .. هالكلمة لها علاقة وطيدة جدا ً مع الشعب الكويتي

و إذا سوينا " تعداد " لها , أتوقع تكون الكلمة الأكثر شعبية

و لأننا شعب نتبع " خير الكلام ما قل و دل " فهي باختصار ما يعبر عن الحال الذي نمر به .. أو الموقف الذي نتأزم منه

*
*

أي شي

لما تلاقي الزحمة بالشوارع لي الساعة 10 و لا راضية تفج

*
*

أي شي

لما يتطبق سلم و نظام تعليمي جديد , بدون مراعاة لطلبة النظام القديم

*
*

أي شي

لما نسمع إن بالكويت فيه واحد اسمه امبراطور

*
*

أي شي

لما تصور المسلسلات بنات الكويت .. بنات رايحين فيها و طول حياتهم نايمين بالسوق و الكافيهات .
و شباب الكويت .. ناس همها التضبط و البلوتوثات .

*
*

أي شي

لما ألاحظ أخيرا ً بأن المكتوب قبل بداية المسلسل هو " شحطة من شحطات الخيال " و ليس " شحطة من شحطات الخبال " مع إن الأخيرة أحلى .. بس العتب عالنظر :)

*
*

أي شي

لما تمر عالبحر بالعشر الأواخر , و تلاقي المقاهي ودها تنفجر من الناس إلي فيها , و الدخان لا يزال يتصاعد من الشيشة إلى الساعة 2 الفجر

*
*

أي شي

لما تسمع قريبك يقول حرام لا تسمع أغاني بنهار رمضان , بس عقب ما تفطر عادي !

*
*

أي شي

أي شي

أي شي

خلص رمضان .. و ما بقى منه إلا يومين ..!!!!

كل عام و انتم بألف خير

و عيدكم مبارك .. مقدما

علشان ما تزعل علينا باكا-جان :)

**

Mi$s-Q8