.
.
.
.
خبري بدبي من 3 أو 4 سنوات تقريبا
و بذاك الوقت برايي .. ما كانت ذاك الزود
كلها مشاريع و حفر , و الطريج كله تحويلات
كلها مشاريع و حفر , و الطريج كله تحويلات
و نضيع طول النهار طريجنا , لأن حتى الجي بس اس كانت تتخربط !!!
.
.
.
رديت لدبي هالسنة
كانت ليلحينها تحويلات .. و شغل
بس عالأقل كان فيه شي مبين على سطح الأرض !!
.
.
.
من بعيد العمارات ثلث أرباعها خلصت
حسيت يوم أدش بينها , جني داشة " ميني نيويورك " أو وحدة من هالمدن
.
.
شفت شي عجبني صج .. و سمعت إن الكويت ناوية تسوي واحد مثله
بس من متى ؟ و ليلحين ما شفت حديده انحطت حقه
.
.
.
و لأن مساكين .. كويتيين
مو شايفين جذي بديرتنا !!! ظلينا نتكلم عنه طول الطريج روحة و ييه
.
.
.
.
.
.
.
مبيّن صح ؟
هذي سكة قطار
.
.
ما تبون جذي بديرتنا ؟
ليش .. احنا أقل من غيرنا ؟
احنا الحمدلله مو ناقصنا لا طاقات شبابية , و لا أفكار , و لا حتى فلوس !!
بس الشكوى لله !!!
.
.
.
16 comments:
احنا ناقصنا ناس متحضرة
يعني اذا صار عندنا محطة قطارات... راح تنترس هتود وراح تصير تلوع الجبد
واحنا بريتيجنا ما راح يسمحلنا ندخلها
http://smashingtelly.com/2009/02/15/bye-bye-dubai/.
والله مشروع المترو والقطار الكويتي صارلنا سنين نسمع فيه
واتوقع راح نسمع فيه لسنين اكثر
لكن عندي إحساس إنه راح يتنفذ
المشكلة إن حكومتنا ما تبدي تحل المشكلة... الا عقب ما تطيح الفاس بالراس
وناسة
آخر مرة رحت فيها دبي ، كان توهم يبنون الأعمدة :)
يبا الله يهنيهم يارب .. وأنا عندي اروح لهم هناك احسن من ان يكون مثلها بالكويت .. يبا هناك الناس شايفة خير،فلوس ديرتنا ببطن النواب والبواقيين فلوس ديرتنا رايحة حق الي برا وانا الأولى ما نتهنى فيها ، ديرتنا كلها مشاكل ، اقتصاديا وسياسيا وأمنيا ... الكويت تغيرت وشوفي باجر النواب بيطلعون الف حجة علشان مايبنوه مايبون العمار للكويت يبون الدمار ..
Aurous
لا و الله احنا ناقصنا فوانين سنعة
تتطبق عالكل
عشان الهندي و البنغالي و المصري و كل الجنسيات الوافدة تضبط نفسها !!
و حتى الكويتيين بعد ;p
DRCohiba
آنا ما أنكر إن بدبي ثغرات , و إن فيها عيوب .. و أكيد هذا شي موجود بكل مكان
لكن عاجبتني السرعة إلي تتم فيها المشاريع .. عاجبتني التنمية عندهم
و هذا شي مو موجود عندنا
أتمنى تكون وجهة نظري واضحة : )
Dr. Blue
يا ليت و الله ياخوي نشوفه قبل ما ينقطع عنا الاحساس و نموت بعد طولة العمر لنا و لكم :p
حياك الله
منطلقة بطموحي
بالليل شفتهم يمشون القطار عالسكك
مادري شالسالفة .. الظاهر تجربة :p
بس على قولتج .. وناسة !
طموحة مملوحة
عدل كلامج
بس لي متى ؟
ما راح أقول ليما نصير آخر الناس
لأن يمكن صرنا من آخر الناس بالخليج
اهم شي الكويت ما تصير مثل سوريا و احنا بخير :)
@@
احنا استاد جابر للحين يعابلون فيـه وكل شهر يأجلونه للشهر الي وراه هالدور تبين قطارات ;p
Don Juan
أهم شي ندير بالنا لا تصير سوريا بعدين أحسن منا !!!
منور = )
Kuwait
إي ليش لاء .. احنا كل شي نبي ;p
ما تبيني أبي " حته " قطار ;p
ما تبون جذي بديرتنا ؟
ليش .. احنا أقل من غيرنا ؟
احنا الحمدلله مو ناقصنا لا طاقات شبابية , و لا أفكار , و لا حتى فلوس !!
بس الشكوى لله !!!
.............
ينقصنا نواب وحكومة سنعه !!!
اي والله ناقصنا نواب و حكومة تخطط !
Post a Comment