.
.
.
شاللي صار ؟
وين قلبك عني .. وين ؟
وين همّك فيني .. اختفى وين ؟
ليش أغمّض .. و ما أشوفك
وين نورك .. يا ضيّ العين
تبي حبنا يموت ؟
تبي عنا القطار يفوت ؟
.. لا تهتم ..
خلّي بعدك في حياتي .. شي عادي
خلي غيابك في كل الأماكن طاغي
.. لا تهتم ..
شنو يعني لو افترقنا ؟
و لا شي ..
شويه دمع .. شويه بكى
و ليالي وحيدة .. يطول فيها السهر
شنو يعني ؟
.. بس .. لا تهتم ..
كيف يغمض لك طرف
و إنت تدري إن السهر فيكْ صاحي ؟
كلمة غرستها في وسطي و رحلت !
جرحتني ؟! .. لا
ذبحتني ؟! .. لا
إلا متْ منها قهر ..
و رجعتْ حييت ..
أتـّذكرها ..
و أرجع أموت !
.. لا تهتم ..
جفاك يعلمني القسوة
علمني القسوه قبل ما تروح
تبي نعتاد الجفى ؟
تبي نجرّع بعضنا الأسى ؟
.. لا تهتم ..
أنا كنت في وصالك
.. أحسّني شخص ثاني !
له في حياتك مِكانة رفيعة
أنا اليوم من جفاك
.. أحسني شخص عادي !
شبح .. ملّته جدران المدينة
.. لا تهتم ..
إنت فاكر إنك ضامن قلبي
و الحب في غيرك .. مستحيل ؟!
إيـــــــه .. و ربي فكرك صحيح
بس .. لا تخلّي البعد منك ..
و الخناجر , تلغي المُحال
تقتل حلمنا الجميل !
.. لا تهتم ..
غمّض عيونك .. و نام
محّد مهم
إلّي جرحته في قاموسك " حيوان "
لو تجرحه .. يفرح
و لو تذبحه .. يعيش !
يرجع لك من جديد
كن شي ما صار !
.. لا تهتم ..
إن جرحت يوم ..
و ما لقيت حد (ـنـ) يعود
يا سيّدي .. افهم
خايف أتعوّد منك الجروح
خايف يهجرني الغرام
خايف .. يمّلني الأنين
و بعدها .. ما أهتم
.
.
.
.. لا تهتم ..
محّد غيرك مهم !
.
.
.
No comments:
Post a Comment