مساكم الله بالخير ..
ماذكر متى آخر مرة تحلطمت فيها عالخدم
لكني صج صج صج مقهورة منهم .. حسبي الله عليهم
والي يقهر زود .. شكثر القانون معطيهم ويه
ولجنة حقوق الإنسان إلي قاعدة لنا بالبلعوم عشانهم
انزين .. واحنا حيوانات؟ مالنا حقوق إنسان؟
وإلا عشان عندنا فلوس نييبهم فيها .. سلبونا الإنسانية؟
الخطة إلي براس كل خدامة تيي الكويت
1- أبي خدامتين معاي.
يعني نييبهاونييب خادمة لها.
2- لا تسألوني ليش ما نظفت.
3- عطوني تلفون عشان أقزرها تالي الليل على راجو و شاكر.
4- بشوف اختي وبنت عم يده أمي.
ما تنفذون طلباتها .. انحاشت
وتعال عاد .. دورها وبلغ عنها واغسل ايدك من الي قطيته عليها
لا .. وادفع تذكرتها عشان تسفرها.
وقدم طلب يديد
ويستمرالفلم ويعيد ويكرر نفسه
ولا الخدم إلي يايين سياحة
يبون يتجولون بالبيوت يطالعون .. ويبوقون بهالصور
من أول أسبوع توصل بيت معزبينها .. تنطق بالكلمة السحرية " أبي أوفيس" .. ماكو أوفيس؟
دقتلها تكسي وراحت
المهم شنو ؟
انها تحصل فيزا وتدخل الكويت
وتتجول على حساب اقامة المواطن الكويتي الغبي
وتبدي رحلتها تدور على بيت أحلامها
بنكمل سنتين واحنا حاطيلنا قطار خدم عند باب بيتنا
وحده تدش وثانية تطلع
والله يستر من الـ 3 الي يايين بالطريج
*
*
*
11 comments:
ماكو احد ما اتناجر معاه بالبيت
والسبه إن دريت بييبون خدامه ثانيه
طفااااااااااارتي !!!!!
الله يعينج :( 3 مره وحده مشالله
اهو صج في منهم ناس شينين بس صراحة في ناس وايد يحتقرون هالأوادم عشان خدم
انا أحس انهم صج مظلومين ومع كل القوانين الي تطلع عشان تحميهم
afterall they left their homes and families 3ashan lgmat 3aish w fe nas ythlonhum 3al.50KD ely ya5thonha bel.shahar :(
قانون استقدام العمالة المنزلية عندنا فيه خلل كبير
ونقص واضح
ويحتاج تعديل
لكن الخدم عموما لازم تربينهم من اول يوم
ويمشون معاج سيدة
ما يصير تدلعينهم وبعدين تقلبين عليهم
ما راح يعجبهم الوضع :)
حَافِـيَةُ الَقَدمَيّـنْ ولِبَاسِي المَطـرْ
يا معودة .. قولي الحمدلله ان الله هاديها
وراضية تبقى بروحها :/
Aurous
بصراحة آنا بوضع يخليني أقول احنا المساكين والمذلولين بعد :)
صج!!!!
اهما ما يرحمون ولا يخلون رحمة الله تنزل
يمكن قلوبنا تحن عليهم مرات
لكن اهما اليبراسهم براسهم .. يسوونه
le Koweit
حددددددهم يبيلهم تربية من أول يوم:/
و آنا أأيد مليون %إن القانون فيه خلل كبير والناس قاعدين يتأذون بسبته
محد عارف القانون إلا هالخدم والمكاتب
لاعبينها صح !
مساء الخير
لما قريت موضوعج حسيت ان في احد فاهمني
بس شنسوي .. تدرين الخدم شر لا بد منه
الله يعيننا عليهم و على مشاكلهم
blogwalking..
ههههههه
الله يكون في عووونك
تحياتي
عاديه هذا فلم قديم أبيض و أسود
ينعاد كل يوم كل بيوت الخليجيه
لأول مره احط رحالي على هذه المدونة الجميلة :)
وأسجل إعجابي ومروري
====
الحين بجلب عامي
على طاري الخدم
نفس المعاناة عندنا
البيوت الخليجية كلها تعاني
:\
خداماتنا من الجنسية الأثيوبية
واللي لاحظته
لسانهم طويل
يزاعجون ع الكل
ما في احترام
وقبل جم يوم تضاربوا بالسجاجين
أحسهم مجرمين
:\
===
الله المستعااان
دمتِ بوود أخيتي
المشكله مو جذي
المشكله امن ازف الخدامه على شي
كل الي بالبيت يزفوني , جنج تقولين حاطينهم لجنه دفاع =p
Post a Comment