.
.
.
يسعدلي أوقاتكم بكل خير
شخباركم مع رمضان ؟
.
.
صارلي جم يوم ملاحظة ظاهرة انتشرت بشدة
و بقلة أدب
ما أقول إني ما كنت أطلع
و فجأة طلعت عشان أشوف هالأشياء
لااااااء .. اهيا انتشرت جذي
و توقعت أحد يحترم الموضوع لأنه خلص رمضان بدا
و الناس صايمة
بس لاء .. بزود !
.
.
لأنه قبال بيتنا في براحة مدرسة
تعودنا نشوف منظر سيارتين
وحدة لبنية و الثانية لصبي
يسولفون .. و واحد يركب بسيارة الثاني و يمشون
طبعاً عيال الكويت لحد يكلمهم !
الواحد يخاف يتكلم .. يقوم يبتلش .. و ما تسوى عليه بعدين !
.
.
قبل رمضان بيومين زاد النشاط بشكل ملحوظ
آنا و اخوي الكبير نبي نغسل سياراتنا بالليل محنا قادرين
كل دقيقة سيارة تمر !
آمنّا بالله .. قلى قولة الوالد عندهم " قفـّال " مساكين
.
.
أمس بجمعية القادسية وحدة بماكسيما و كيرلي و الحالة حالة
و الميك اب شي ثاني
و إلي معاها بعد كانت لا تعليق !
وراهم وانيت .. لازق فيهم لزقة و يأشر لها
لين صفطها يمنا .. و نزل يسولف
.
.
اووكي قلنا بالليل و فاطرين
ما عليه !
.
.
.
اليوم قعدت الصبح مبجر و حدي كنت تعبانة
نمت العصر .. و قعدتني الوالدة قبل الفطور
بطلت بردة غرفتي و إلا أشوف هالمنظر @@
.
.
.
.
بس .. عييييب عليكم !
قبل الفطور بدقايق .. الناس تدعي , تقرا قرآن , تهمد ببيوتهم
ما مليتوا ؟
احترموا حرمة هالشهر
استغلوا هالشهر بس بشي يفيد آخرتكم
خلكم من الدنيا هالشهر بس !
.
.
.
ترا و الله عيب
فشلتونا
بس طفاقة !
ترا شي يحر و الله
يعني هذيلي شنو تقدر تسوي وياهم ؟
.
.
.
30 comments:
@@
المنظر شي عجيب
حبيبتي إنتي
عبالج هذيل حاسبين حساب حق حرمة الشهر ؟
روحي عالساعه 5 صوب ليالي الحلميه
يشيب شعر راسج من المواعد
على فكره
دريشتج موقعها استراتيجي p;
اي والله عيب!!
بس نفس ما قلتي.. ما تقدرون تقولون شي لان يمكن ياكلونكم
يلي عايش و متعود على شي ما رح يأثر فيه شهر ولا يوم ولا حتى دقيقه
في ناس نفوسهم دنيئه و ما بينعدلو
عن جد منظر مقرف
و يلي بيكون هيك مستواه طبيعي مافيكي تحكيه لانو مستواه تحت كتير
انا بقول لو تبيعي ورد على الشباك احسنلك مدامه مكان لقاء العشاق لول
مادري بس أنا أحب أحسن الظن وأقول يمكم يصيرون حق بعض
:)
الله يهديهم ويصلحهم
هههههه والله ضحكتيني،.. شي فظيييع!
الله يهدي الجميع إنشاءالله!
عدل كلامج
احنا بعد بالسره في مواقف
وااايد يصير فيها مواعد ومكان ميه ميه حق هالأشكال
قبل فترا والا اشوف حاطين لافته المكان مراقب بالكامرات
حدي استانست هع هع هع كفو عليكم وحده افتكينا منهم
استغفر الله الله يستر عليهم
الناس صاروا ما يعرفون الـعـيـب
الله يهديهم
كل هالمشاكل الي بالكويت بسبب انه الشعب فاضي غير بدول الباجي الي يكون الصبح داوم و العصر والمغرب يشوف تجارته و بليل يقعد مع اسرته
و الكويت الصبح نص دوام لي بليل ماكو شغل و لا يحب يرتب اموره
و سالفة الادب هذي مالها حل عادة كل الامور لها حل بس الادب ماتحصلين له حل
"إن لم تستح فاصنع ما شئت"
صدق رسول الله صلى الله عليه وسلم
وتقبل الله منكم هذه الصورة
من صور إنكار المنكر
المادة 49 من دستور دولة الكويت
(( مراعاة النظام العام واحترام الآداب العامة واجب على جميع سكان الكويت ))
فعلا قلة حيا
وازيدك من الشعر بيت انا شايف شباب يسفطون بنات بنهار رمضان على البحر
ندعيلهم بالهداية عسى الله يهديهم وتستجاب دعوتنا في هذا الشهر الكريم
وجزاكي الله خيرا كثيرا
خوش دريشه
للبيع
:))
ادري شي يبط الجبد
بس يامعوده طوفي مو هالشي الوحيد اللي يقهر وايد اشياء ثانية
ان لم تستح فاصنع ما شئت
رمضان ولا غيره
الله يهديهم
الغالية / حافية القدمين
و حياتج راح اروح اشوف =p
لوول
عاد تصدقين منظر دريشتي كان اقوى من جذي قبل لا تكبر الشيرة إلي قباله
لما يت الازالة دعيت الله انهم يكسرونها
تخيلي شالوا الحديقة كلها و هذي الوحيدة الي خلوها @@
Aurous
مو يمكن .. إلا أكيد =D
يبيلهم احد يشتري فلشر شرطة و يمر يمهم
يمكن يخافون !
منورة
Sharbil
لووول
حبيت اقتراحك =p
بس اخاف الوالد يجكني .. و يعلقني هالمرة من الشباك !
منور
حياتي هدف مو عبث
طبعا ^_*
يصيرون حق بعض بالاسلاااام
الله يهدي الجميع = )
منورة بحضورج
Weew~
عسى الضحكة دوم يا خيتي ^_*
و يهدي الجميع ان شاء الله
منورة
ayo0oh
استغفر الله
ليش كل البلاوي بهالمنطقة =p
شكلي بطبع لافتة و احطها ببرحتنا لوول
منورة
Hope
اجمعين
.
.
صاروا مو بس ما يعرفون العيب
الا يعرفونه .. و يتمادون فيه !
{~المباركية~}
إي و الله صاج !
الفراغ بالشباب الكويتي يعطيه مجال إنه بدع باي مجال يختاره
و يا شينهم لاختاروا الطريج الثاني !
على قوله يدتي الله يرحمها
الحيا نقطة على الجبين ان راحت راح كل شي
أخبار الاتحاد
شكرا للمرور الطيب = )
منور ياخوي
و مبارك عليك الشهر
العدالة الكويتية
المادة و الدستور يقولون شي
و الواقع شي ثاني للاسف = /
منور
رزنامـــــة
الله يهدي شبابناو يثبتهم
تسلم لمرورك الطيب
أبو الدســتور
لوول
سوم .. و ما أردك =p
و على قولتك .. بنطوّف غصبا علينا
الواحد اذا بينقهر على كل شي ما راح يعيش !
منورني
reemas
أجمعين ان شاء الله
الواحد يتوقع شوي احترام مو اكثر !
دريشتج موقعها استيراتيجي حده لووووول
انتي الحين خلي كل هذا انا استغرب شلون بنات و ما يخافون على روحهم ما ادري اشفيهم العالم ينواا اتحبها ياخي تزوجها و بلا حركات اليهال اللي تبط الجبد :)
اللي قهر ان هالنوعيه مو بس ما تحترم الناس ما تخاف الله و ما تحترم هالشهر الفضيل
سلامي لج :)
elq87obi
لوول كلكم عاجبكم موقع دريشتي
خلاص راح اعزمكم عليها على يوم ^_*
الله يهديهم
ما نقدر نقول الا جذي = )
انا لو منك, احذف عليهم بيض من فوق
:)
Post a Comment