.
.
.
.
.
دشيت البيت اليوم من الكلية
و آنا حده حايشتني أزمات من كل الأنواع
نفسية , اكاديمية , اجتماعية .. كل أزمة تقدرون تتخيلونها كانت فيني !
.
.
فجأة .. و إلا أتعثر بـ 4 اكياس عملاقة
متروسة ملابس
عرفت بعدين انها ملابس يدتي - الله يرحمها
.
.
اليوم الوالدة دشت غرفتها و رتبت أغراضها
و جمعت ملابسها و كل شي عشان تعطيهم لجنه
لأن أغلب ملابسها و اشياءها كانت يديدة
ما تستعمل منهم إلا الشي القليل !
.
.
أنا قلت حق امي تعطيني جيس معاهم
يمكن أقدر أعبي واحد منهم على الأقل بأشياء من إلي كبتي راح ينفجر منهم
بديت افرز كل اشيائي .. و لقيت وايد وايد أشياء أنا ما أدري إن عندي منهم @@
ما أتذكر إني شريت منهم ..و بعضهم ليلحين علامة السعر عليه !
.
.
عبيت جيس .. و ثاني .. و ثالث
@@
أووووله .. توني أحس على عمري
شكثر أنا مسرفة و أشتري أشياء وايد ما احتاجها !
أشتريها لأنها عجبتني ! بس
.
.
كثر ما حسيت بشعور زين إن هالأشياء ممكن تروح لناس يحتاجونها أكثر مني
كثر ما تضايقت من نفسي
و آنا طول عمري لصار وقت الزوارة .. أقولهم
" ما عندي هدوم .. ودوني السوق !"
.
.
نصيحة .. فتحوا كبتاتكم - خزاناتكم - ألحين
و شيلوا إلي ما تحتاجونه
و شوفوا أنفسكم من بعيد
انتوا مسرفين ؟ و إلا أحسن مني ؟
;Pp~
.
.
10 comments:
احنا سبقناكم
قبل اسبوع ارسلنا لمصر
!!! 400 كيلو ملابس
بالشحن بس توصل بنص رمضان
شي غريب ملابس مالها حد
خالف تعرف
المشكلة عندنا بادمان التسوّق
ندش السوق و ما نحب نطلع ما بايدنا شي !
أنا وحدة اتضايق إن صار فيني جذي ;p
و المشكلة بحاول أجرب ألاقي حل !
.
.
الحمدلله
مو من النوع الي مسرفه
بس على قولتج
كل زواره احس ما عندي ملابس :/
وهم عندي هدوم بأسعارهم ما انلبسوا موليه
..
زين تسوين حياتو
عالأقل احد يستفيد منهم
لج الجنه D:
اي حتى انا عندي ملابس مو لابستها ويد
بس ما اعتقد كثر الي عندج :)
والله فعلا صح كلامك
لا ومرات بشتري شي و برجع شوفو مره تانيه بشتريه ناسي انو انا عندي اياه من قد ما التياب محطوطين فوق بعض و الواحد بيعلق على شي بيصير يلبسو كتير
بيطنش الباقي
نحنا عنا عاده انو كل سيزن لازم تشيل يلي ما بدنا اياه .. بس ما بعرف كيف الوضع بالكويت بما انو الصيف بيضل العمر كلو لووول
عدل كلامج خاصة البنات يشترون اشياء وما يستخدمونها
فكرة حولة وايد جزاج الله خير ..
حَافِـيَةُ الَقَدمَيّـنْ ولِبَاسِي المَطـرْ
منورة حبيبتي
الزوارة أزمة = /
لازم نسوي ترشيد حق البنات
بالتسوّق =p
Aurous
ليش متأكدة ؟ =p
منورة يالغالية ,
شربل
لوول شقصدك يعني احنا ما عندنا شتا ؟ ;p
إلا سالفة التعليقة على نفس الهدوم
اسويها وايد .. و خصوصا اذا توني شريته
بس مرات اسوي العكس .. من كثر ما احس انها مريحتني ما ألبسها وايد لين تروح موضتها و انا ما لبستها الا مرتين و الا 3 = /
منوّر = )
نموول
حتى الشباب يشترون أشياء ما يستعملونها
إذا مو بالهدوم باشياء ثانية ^_*
صح و الا لا ؟
منوّر خيو ,
Post a Comment